Aurelia marmoka
2025/01/16

Nerea Arrien idazlearen Zoonomia liburutik:
Aurelia marmoka
Pertsianen zuloetatik
isiltasun gardena erortzen denean
sukaldeko tamaina biderkatzen da,
pasilloa luzatu
zoluak zabaldu
altuago bihurtu sabaia.
Umeak joaten direnean
eskolako autobus horretan
urbanizazioko neguko piszinan kanila jartzen dut.
Lumatxa bezala erortzen naiz
porlaneko ozeanoan
izaki abisala
Aurelia aurita
negarrez betetako zaku bat
ura uretan
gelditasunean mugitzen den bakardadea
inorezen etxean.