Norbaitek esan zuen bezala

Norbaitek esan zuen bezala, liburuetan jartzen duena gezurra da, baina irakurtzen dugunean guk sentitzen duguna benetakoa. Horixe da literaturak eskaintzen dizuna, besteak beste.

Jon Alonsoren Carvalho Euskadin honetan ere irakurle bakoitza ahots batekin, egoera batekin, ikuspegi batekin, esamolde batekin identifikatuko da. Liburua ixten duen paragrafoak kolpatu nau ni, zahartzen noalako ni ere, seguru asko:

Norbaitek esan zuen bezala, zahartzen joatea oso konplikatua da, eta ez bakarrik edozein egunetan hiltzen ahal zarelako aurreabisurik gabe, kontrakoarengatik baizik: zaharra zarelako baina hala ere bizirik zaudelako, eta munduak hor dirauelako, jiraka, eskura; baina jada ez dizu uzten haren aferetan parte har dezazun.