- https://www.kulturaz.eus/agenda/doi-pello-ulazia
- DOI | PELLO ULAZIA
- 2024-04-19T18:00:00+02:00
- 2024-04-19T23:59:59+02:00
- DOI Kulturaz kooperatibak komisariatutako erakusketa programa da. Pello Ulazia artista izango da bigarrena Dinamoa sormen gunean ondu duen lana jendaurreratzen.
- DOI | PELLO ULAZIA
DOI | PELLO ULAZIA
DOI Kulturaz kooperatibak komisariatutako erakusketa programa da. Pello Ulazia artista izango da bigarrena Dinamoa sormen gunean ondu duen lana jendaurreratzen.
Kulturaz kultur kooperatibak sormena babestu eta sortzaileen lana ikustera emateko ahaleginean, DOI erakusketa programa jarri du abian.
Gure jardunetik eta gure lan egiteko modutik gertu sentitzen ditugun artistak hautatu eta euren lana erakusteko babesa eskaini asmoz jaio da ekimen hau, azken urteotan Azpeitian, eta batez ere Dinamoaren ingurumarian hazten joan den jendeak bere lana modu egokian erakusteko aukera izan dezan. Sormen jardunaren zirkulua itxi eta komunitatea elikatzen jarraitzea da kontua.
Eta komunitatea diogunean uhin kontzentrikoetan hedatzen den jende taldea dugu gogoan, eta bada gure gogoa sormenari ikusgarritasun gehiago ematea, herritarrek eta nahi duen orok beste gauza batzuk ikusteko aukera izatea, sormen lanarekin beste era bateko harremana ahalbidetzea, eta bide batez Dinamoa sormen guneko jarduna ezagutzera ematea.
