Gaztetxoen Sormen Tailerrak
Biharko antzezle eta antzerkizaleak hezteko tailerrak. Gorputz adierazpena landu eta antzerkiaz gozatzeko gaztetxoen bost talde ditugu.
Etorkizuneko antzezleak izan nahi baditugu antzerkizaleak formatzea garrantzitsua dela deritzogu. Hori dela eta gaztetxoen antzerki tailerrak ditugu martxan Alaitz Olaizola eta Xanti Agirrebazalaren gidaritzapean. Ikasturte osoan zehar 6-18 urte bitarteko gaztetxoez osatutako bost talde ditugu heuren antzerkizaletasuna gogotsu lantzen.
Helburuak:
• Antzerkiaren kodeak, egiteko moduak, prozesuak eta metodoak irakastea.
• Sormena antzerkiaren bitartez bideratu eta taularatzek tresnak berenganatzea.
• Bakarka ez ezik, taldean ere proiektu eszeniko jarrai eta egonkor baten parte izateko aukera eskaintzea.
• Antzerkizaletasuna eta sormen grina barrutik bizi eta sustatzea.