SORKUNTZA BEKAK 2021

Sortzeko beka bat eskatzen duenak denbora eskatzen du, babesa eskatzen du, mundua bere begietatik ikus dezagun eskatzen du. Beka bat jasotzen duenari dirua ematen zaio, denbora har dezan, babesa bila dezan, mundua bere begietatik erakus diezagun. Beti ez da gertatzen, baina 2021ean Azpeitiko Udalaren sormen beka jaso zutenek lan ona egin dute, elkarren osagarri direla iruditu zaigu gainera, eta erakusketa kolektibo bat antolatzea merezi zuela erabaki dugu. Dinamoan egongo da erakusketa, martxoaren 21etik 25era, beheko solairuan. Martxoaren 25ean finissage bat egingo dugu, 19:00etan Dinamoan bertan, eta sortzaile bakoitzak bere lana azaltzeko tartea izango du.