Deloreanen kontzerturako sarrerak salgai jarri ditugu

2013/04/16
Apirilaren 27an talde zarauztarrak emango duen kontzertu handiaz gozatzeko eskura daitezke sarrerak gaurtik, webean edo kulturgunean bertan. 13€tan daude aurretik erosten dutenentzat eta egunean bertan 15€tan egongo dira. Dakizuen bezala, kultur bonoa duzuenok doan ikus dezakezue eta ez duzuenontzat hemen mauka honen gaineko informazioa . Urtzi Azkue & The Funk Junkers taldeak egingo ditu telonero lanak.

Zarauzko DELOREAN taldeak martxoan atera behar zuen diskoa, baina atzeratu egin zaie eta oraindik estudioetan dabiltza azken ukituak ematen. Ez galdetu gehiago, ordea, ez baitakigu. Dena oso ezkutuan daramate, baita diskoari zein izen jarriko dioten ere. Dakiguna da pare bat kontzertu solte eman dituztela Texas-en eta Madrilen eta kanta berriak aurkezteko erabili dituztela. Baina hori baino garrantzitsuagoa den beste hau ere badakigu: Primavera Sound, Sonar, BBK eta halako jaialdi erraldoietan jotzen hasi aurretik Azpeitian izango direla apirilaren 27an, eskaintzen duten musika dantzagarriarekin. Eta diskoaren sekretu batzuk ezagutuko ditugula, kanta berri batzuk behintzat joko dituztelako.

 

Telonero lanetan Azkoititik proposamen interesgarri bat: Urtzi Azkue & The Funk Junkers. Zuzenekoak prestatzen ari dira, udara aldean hasteko ematen. Bada, Azpeitian egingo dute lehen proba.

Kontzertuak: Urtzi Azkue & The Funk Junkers + Delorean.
Eguna: Apirilak 27, zapatua.
Ordua: 23:00.
Sarrerak: 13€ aurrez / Egunean 15€ (kultur bonoarekin doan).

Erantzuna gehitu