Verrater, Gaztetxean sortu zen punk doinua

Duela urte eta erdi igo ziren oholtzara lehen aldiz Verräter taldeko musikariak, eta ordutik hogei kontzertu inguru eskaini dituzte. Azpeitiko Gaztetxeko bertsio gauean estreinatu ziren: "Lehen aldia hura izan zen, eta gustatu egin zitzaigun esperientzia". Horrela egin zuten jauzi musikaren mundura Ibon Aiertza baxu-jole errezildarrak, Gaizka Arrue eta Iratz Uranga gitarra-jole azpeitiarrek, Manex Odriozola abeslari zestoarrak eta Ibai Unanue laguntzaile azpeitiarrak. Verräter punk-rock musika taldea sortu zuten 15 eta 16 urterekin, eta Orkatzen eman zuten lehen kontzertua. Urte erdi barru batu zitzaien taldera Julen Hidalgo bateria-jole azpeitiarra, eta "indarra" eman zion bandari. "Lehengo bateria joleak bazekien gitarra jotzen ere; beraz, hura gitarrarekin hasi zen, eta Hidalgo bateriarekin". Ordutik bi gitarra-jole dituzte.

Irakurri guztia Urola Kostako Hitzan.