Sanagustin jendez gainezka, Ayestaran eta Zurutuzarekin

Ia bi orduz aritu ziren Zurutuza eta Ayestaran Ekialde Hurbilaz eta bertako gatazkez hizketan, Sanagustinen bildutako jendetzaren aurrean. Hurbiletik ezagutzen dituzten hamaika kontu azaldu zituzten: Udaberri arabiarra, Estatu Islamikoa, Mendebaldeko potentzien eragina, Siriako gerra, errefuxiatuen auzia, herri kurdua.... Gerra kazetariak izateari buruz ere jardun zuten, baita kazetari lanbideaz harago, maila pertsonalean Ekialde Hurbilean bizi izan dutenari buruz ere. Publikoak ere izan zuen hitza hartu eta galderak egiteko tartea.

Sanagustinera hurbildu ez zirenek mahai-ingurua zuzenean ikusteko aukera izan zuten streaming bidez, erlotelebista.eus, sanagustinkulturgunea.net eta uztarria.eus atarietan. Twitter bidez ere zuzeneko jarraipena egin genuen, #aiestaranzurutuza traolarekin. Mahai-inguruaren nondik norako nagusiak biltzen dituen kronika irakurri ahal izango duzue uztarria.eus atarian.

Hemen ikus ditzakezue Alberto Belokik mahai-inguruan ateratako argazkiak. Eskerrik asko!!