'Norteko Ferrokarrila. Trena Bertsolarien begitan' hitzaldia emango du Mikel Aizpuruk

2012/10/09
'Norteko Ferrokarrila. Trena Bertsolarien begitan' hitzaldia emango du Mikel Aizpuruk
Euskal Herriko Unibertsitateko irakaslea da Aizpuru eta trenak bertsolariengan izan duen eragina eta sortu dituen iritziak aztertu ditu. Bestela esanda, bertsolariek trenari eman dioten trataera da bihar ezagutuko duguna, trenaren eraikuntza, gertaerak... nola azaldu diren bertsotan. Adibide gisa bertsoak ere entzungo ditugu. gaur, urriak 10, asteazkena, 19:00etan izango da. Ekitaldi hau Trena eta kultura zikloa ren baitako da.

Hizlaria: Mikel Aizpuru, EHU-ko irakaslea.
Lekua: Sanagustin kulturgunea.
Eguna: Urriak 10, asteazkena.
Ordua: 19:00etan.

Igandean, antzerkia

Bakarrik (Solitos) antzerki mutua izango dugu urriaren 14ean, Sanagustin kulturgunean. Mundu mailako birak egiten dituen Azar teatro taldearen lana da (Valladolid, Espainia). Hitzik ez du eta berezi egiten du horrek, halakoak ikusteko aukera handirik ez delako izan orain arte.

Tren geltoki batean bizi diren senar-emazte baten gorabeherak dira komedia honen mamia. Egunero egiteko finkoak ditu bikoteak, ordu berean, leku berean, tren beraiekin... errutina dute eguneroko ogia, trenen ordutegiak agindutakoa.

Baina egun baten, Burdinbidearen konpainiak begirale bat bidaliko du bikotearen lana aztertzeko eta hauek etxean hartu beharko dute gonbidatua. Hortik aurrera gauzak aldatu egiten dira.

Erantzuna gehitu