ESATEKO IDATZI

ESATEKO IDATZI
Istorioak kontatzeko, poemak sortzeko, komikiak egiteko, antzezteko, ikus-entzunezkoak sortzeko, irudiak laguntzeko, norbere gogoetak aurkezteko, aldarrikapen kolektiboetarako... Asko dugu esateko.

Hitza egiten da idatzi, entzun, xuxurlatu, oihukatu, sentitu eta, ausartzen naiz esatera, baita dastatu ere. Ukitu, ordea, ezin da ukitu. Gela oso bat har dezake hitz batek, baina ikusi ere, nekez ikusiko duzu. Akaso, horregatik, kosta egiten zaigu ulertzea nola gorpuzten den, non lur hartzen duen hitzak. Literaturari eta idazketari loturiko mendebaldeko iruditegiak ere, ez dio mesede egiten honi. Hitza ideien munduan, zerutik gertu eta lurretik urrun irudikatu ohi dugu. Eta zerutik gertu, ez da ondo egoten, dio kantuak. Hitzak, lokatza eta gorputza ditu mesede.Esateko idatziko dugu. Zer esateko? Nahi duguna, nahi adina. Luzea da oso aldaera posibleen zerrenda. Istorioak kontatzeko, poemak sortzeko, komikiak egiteko, antzezteko,ikus-entzunezkoak sortzeko, irudiak laguntzeko, beste hizkuntzetakoa gurera ekartzeko, norbere gogoetak aurkezteko, aldarrikapen kolektiboetarako... Asko dugu esateko.

Esateko Idatziz zikloak aldaera horiek esploratzeko balioko du, praktikara zuzenduriko tailer intentsibo sorta batekin.

EGUTEGIA

DNM_EI_Ipuingintza_kartela_A3+-01.jpg

Datozenak:

  • Urtarrilak 31, larunbata 10:00etan | Fanzineak. Idazketa kolektiboa.
  • Martxoak 28, larunbata 10:00etan | Hitza eta irudia.
  • Maiatzak 30, larunbata 10:00etan | Gidoigintza-barregintza.